khaled_shams كتب:أ/جلال
انا اشتريت واحد من دول
مش عارف ليه اليومين دول موعود بالحاجه المضروبه و البايظه
و اشتريته من واحد فى المنتدى التانى
اكيد حضرتك تعرفه هو ه.س.
المهم كلمته اول مره عمال يقوللى يا أخى و مش عارف ايه , و دايما يختتم كلامه ليك على الخاص بالجمله دى "حفظك الله و رعاك" انا قلت الراجل ده شكله راجل محترم و حتى كنت مره هغلط و انا بكلمه و اقله يا شيخ ه.
و اتفقت معاه على السعر 725 (على فكره السعر اصلا كان 650 اول ما بدأ الموضوع و خلال اسبوعين اتحول السعر ل 725 و 750 كمان)
اتفقت معاه على الميعاد و كده و قابلته و استغربت جدا لما لقيته مش ملتحى (علشان طريقة كلامه فى التليفون)و بعدين لقيته مقابل اتنين تانيين غيرى و كده و قابلنى و سلم عليا و باسنى
المهم اخدت منه تيليسكوب المفروض انه BSA sweet 3-9 * 32 و قاللى انا اتفقت معاك على كام قلتله 725 قاللى انا اصلى مش فاكر و بعدين قاللى وطى صوتك بقى علشان انا بايعه للراجل ده ب 750
و فتحته و بصيت عليه بس ما ركزتش قوى
ما اكتشفتش الحاجات اللى فيه غير لما روحت
و هورى حضرتك الصور بتاعته
ده مش مضروب بس
ده مضروب ضرب مبرح
ادى اول صوره للعلبه شوفو شكل التيليسكوب اللى عليها
و دى صورة التيليسكوب اللى جوه العلبه (شكل تانى خااااالص)
و هوريكم شوية حاجات
طبعا العلبه مكتوب عليها sweet
بس لو جيت تبص على العدسه الأماميه هتلاقى مكتوب deerhunter و ده نوع تيليسكوب تانى من bsa
و لو بصيت على البادج اللى فى الجنب هتلاقى مكتوب bsa contender و ده نوع تانى خالص من bsa
و لما تيجى تبص على الturrets بتاعة ظبط التيليسكوب هتلاقيها حاجه تعبانه خالص غير اللى على العلبه من بره
طبعا العلبه عليها اتنين ستيكر كده مكتوب عليهمbsa بيتقطعو ساعة ما تيجى تفتح العلبه
و على فكره على المنتدى التانى الناس بقت مدياله حجم كبييير قوى و بقى فيه ناس بتكتب (احنا محتاجين خبرة استاذ ه.س. علشان كذا و كذا)
و عامل موضوع هناك اسمه "مهم جداً للاعضاء عند شراء اى شىء"
و بيسوق فيه لبضاعته على اساس انه بيحمى الناس من استغلال التجار
تخيل حضرتك الراجل ده عامل حركه خبيثه جدا
مستغل ان ناس كتير عايزه تشترى نوريكا جت و بيقول ان عنده منها فرز اول و فرز تانى (و هو مستغل فى الموضوع ده كتر الكلام اللى اتكتب عن موضوع الفرز و انا نفسى كنت من الناس اللى اتكلمو عن الموضوع ده)
بيقول ايه بقىىى
الفرز الأول ب 1800
و التانى ب 1500
و باع لناس فعلا على 1800
و انا عارف ان السعر ده غالى و ان محدش هيبقى عايز يشترى بندقيه جديده "فرز تانى"
ده عند فتح الله اللى الناس بتقول عليه غالى كانت ب 1650
و أ/ جلال كان عارض سعرها هنا قريب ب 1500 اللى هى نمره واحد
و انا اكدت علي الراجل تقصد العيار واللا الفرز قاللى لأ الفرز
حتى انا لما قابلته سألته على موضوع الفرز ده قاللى لأ ده موضوع طويل و خليه فى التليفون و بتاع
و بعدها على المنتدى انا قلتله طب ماتقولنا على عيوب الفرز التانى هل بتبقى عيوب جامده
علشان لو كده بلاش تحط سعرها خالص
قاللى مانا اللى بيشترى بوضحله عيوب الفرز التانى و كده و هو حر
و كررت سؤالى ده تانى قلتله طب ياريت يا استاذ ه. تقولنا على الفروق بين الفرز الأول و التانى فى النوريكا جت
و لا فتح بقه و انا عارف انه دخل المنتدى بعدها بس هو مش لاقى حاجه يقولها.
بس ده كل اللى كان نفسى اقوله
و حسبى الله و نعم الوكيل