الى كل عمالقة المنتدى و مالكى جامو هنتر440

السلام عليكم ورحمة الله وبركاته
انا عازم النيه ان شاء الله على شراء بندقية جامو هنتر 440 وكان لى بعض الاسئله والاستفسارات عن هذه البندقيه
1- هل هذة البندقية جيدة وتعتبر هاى بور
2- هل هذة البندقية دقيقه فى التصويب
3- ما هو افضل محل اشترى منه(تكون حاجه محترمه فرز اول)
4- هل بيكون معها مشتملات عند الشراءو هل لها ضمان
واخيرا الكارثة الفرجن
هل هذة البندقيه تخضع للفرجن زى ما ناس بتقول وانا قرات فى بعض المنتديات عن الموضوع ده
وهل اذا كانت تخضع للفرجن ده معناه ان سرعتها لا تتعدى 140 م/ث (كدة تبقى كارثه بجد تبقى كده سرعتها زيها زى الصينى)
اتمنى حد يوضحلى الصورة ويفهمنى الموضوع

و عليكم السلام
1- اختيارك صح جدا
2- هي فعلا تعتبر هاي باور
3-من ناحية التصويب كل اللي استحدمها قال فيها شعر واللي يفيدك احمد روك
4- ده بقى يحددهولك الستاذ جلال عشان اعضاء المنتدى ليهم خصومات تقريبا عند ميشيل عازر و ابو ضيف
4- غالبا لأ
و الفيرجن اف بيحدد السرعة من 175م/ث الى 200م/ث... و السرعة دي لو في نمرة2 تبقى كويسة ان شاءالله

شكرا أ/ عامر على الرد السريع
وردك طمنى بس موضوع الفرجن ده انا قرات عنه كتير لاقيت انه بيحد من السرعه ويخليها لا تتعدى 140م/ث وقرات ايضا ان عشان تلغى قصة الفرجن ده لازم تفك البندقيه وتركب مسمارومش عارف ايه وقصه كده يا ترى الكلام ده صح ولا لا
ارجوا الافاده
وهل فعلا البستم بيكون مخروم

الاخ العزيز بهواشي البندقية الهانتر 440 من البنادق الجميلة الرائعة وهي هاي بور ولا يوجد منها فرجن F واتكل الله واشتريها بندقية جميلة جدا جدا

متشكر جدا عمدتنا جلال باشا
وكلام حضرتك بمثابة ضمان لهذه البندقيه وانا ان شاء الله هشتريها الاسبوع القادم
يا ريت حضرتك ترشحلى محل مضمون اشترى منه وتكون فرز اول
ويا ريت لو حد يعرف السعر فى حدود كام وايضا سعر الجراب
هيكون فى حدود كام

هي موجودة عند محلات فتح الله ولما تنوي قول او لما تروح كلمني وان شاء الله نعمل لك تخفيض اوامر يا باشا

ياريت يا أ/ جلال ترشحلى محل تانى غير محل فتح الله وده بسبب ان احد الاصدقاء اشترى من هذا المحل (من اسبوع تقريبا) بندقيه جامو هنتر 440 وقالوله دى بنبيعها ب 2000 بس عشانك هديهالك ب 1800 وبعد ما اخدها وروح
وتانى يوم وهو بيجربها اكتشف فيها عدة عيوب وهى
1- لقي ستيكر اصفر كده و شكله ظريف على المقبض بتاع البندقيه من تحت و صورته دى
This image has been resized. Click this bar to view the full image. The original image is sized 1024x768 and weights 46KB.

ولما بدا يضر بيها لاقها بتشكل
2- لقي الخرم بتاع الماسوره مش مضبوط مع السيل

This image has been resized. Click this bar to view the full image. The original
50KB.

وطبعا رجع البندقيه الى المحل ولما طلب بندقيه جامو هنتر 440غيرها قالوله دى اخر حته
وفيه موقف اخر بس ده حدث معايا وانا كنت بشترى البندقيه بتعتى بس كانت المشكله بالنسبه لى فى اسلوب المعامله (كان اسلوب غير ظريف بالمره)
عشان كده اتمنى ان حضرتك ترشحلى محل اخر يكون ذا ثقه وامانه فى عرض السلعة
(بصراحه حاولت انزل الصور بس معرفتش)
واسف على الاطاله

عزيزى البهواشى لقد قراءت لك هذا الراى فى منتدانا وفى منتدى اخر اود ان اوضح لسيادتك عدة نقاط الاولى هى خاصة بالاستيكر الاصفر الذى الذى كان بمثابة مشكلة فلسطين والذى اجاب عليه روك اجابة شافية هذا الاستيكر ليس له علاقة بالفرز من قريب او بعديد والدليل على ذلك انا اخيرا اشتريت بندقية جامو عيار 6,35 اى نمرة3 وهى من اعظم ماانتجته جامو فهى ريال تيرى التى تستطيع بها قتل ثور هذه البندقية عليها ذات الاستيكر مكتوب عليه رقم 10 ايعنى ذلك انها فرز عاشر بالقطع لا واليك هذا البرومو عنها مكتوب عليها رقم 19 ايعنى انها فرز تسعة عشر بالقطع لا

اما عن البندقية التى ترغبها فاجابك العمدة الاجابةالشافية وان كنت جادا فى الشراء فعليك بالعمدة لما له من علاقات واسعة داخل وخارج مصر وهو يستطيع ان يحضرها لك باقل من سعر السوق وبلا فرجن كمان بالاضافة الى ان هناك بعض الاعضاء كانوا عارضين فى سوق منتدانا هذه البندقية مثل الفاضل القبطان مجدى عليك بالاتصال بهم فقط ولتترك الباقى عليهم تحياتى لك .

اشكرك أ/ ايهاب على التوضيح بالنسبه للستيكر اصفر
وانافى انتظار نصائح و مشاركات عمالقة المنتدى لاستزيد من خبراتهم العمليه وعلمهم
وانا رجعت الى عرض الاخ الفاضل القبطان مجدى لاقيت البندقيه اتباعت (ربنا يبارك للبائع والشارى)
ومره تانيه اكرر شكرى أ/ ايهاب