تجربه لمده 4 ايام للبندقيه الكرال التركى

بعد التحيه للجميع كل من كتب عن البندقيه الكرال
انا نابعت مواضيع كتير عن الكرال وناس بشكر فى البندقيه جدا وناس مش اوى لكن تقول البندقيه حلوه على قد فلوسه
قولت انا هجيب البندقيه دى يمكن تطلع حلوه ده اللى هيدفع فيه مش فلوس
وحصل البندقيه بالنسبةالى بعد مجبته اول يوم يعنى صوت قوى لكن مفيش القوه الجباره اللى الناس عماله تكتب عليه
وسامع حجات بتاكل فى بعضيه وانا بعمر البندقيه قولت البندقيه جديده لسه وضرت رشايه عدت لوح خشب تخانته 3 سم قولت كويس قولت افك البندقيه واشحمه فكته
ولقيت ذراع التعمير بينحر فى البندقيه وانت بعمره مجموعه زناد تقيله وسيئه عدى يوم بعد مشحمته وركنته وقولت اجربه تانى الاحتكاك خف عشان الشحم والمفاجئه اضرب بالبندقيه واكنى بضرب ببندقيه قوته لا تتعدى 150 متر الرشايه بتقف على اول لوح الخشب مبتخترقهوش وحسيت اكنى السوسته اتكسرت جوه دبعد بالظبط بعد مضرت بيه بتاع عشره رشات روحت حطته تانى فى الكرتونه ومع السلامه بعته ودى الكرال اللى كل الناس عماله تقول حلوه على قد فلوسه طيب منا بدل مدفع الف جنيه استنه شويه وادفع الفين واجيب حاجه مضمونه
انا اسف انى طولت عليكم بس انا بقول تجربتى عشان انا شايف ان البندقيه دى واخده حجم اكتر من حجمه
اتمنه انى اكون افدت الناس اللى بديه الهوايه دى عشان متخسرش فلوس على الفاضى
وانا سعيد جدا انى موجود فى المنتدى الجميل ده والنظام اللى فيه جميل جدا

بالفعل سيدى تحليلك الى حد كبير صائب لماذا لانه كما اوضحنا سلفا ان البندقية كرال جيدة ولكن هى صناعة تركية والصناعات التركية قد يغلب عليها التذبذب وعدم الجودة بمعنى قد تجد بنادق رائعة واخرى فيها بعض العيوب البسيطة نتيجة عدم الجودة ويبدو ان الاستاذ جورج لم يكن موفقا فى شرائه ومع ذلك لايمنع ان البندقية جيدا جدا اما عيوبها فقد شرحناها من وجهة نظرى الشخصية فى موضوع اخر منعا للتكرار وهناك ملحوظة اخرى الا وهى ان الكرال 2 افضل من ا من حيث دقة الاهداف لان قوة البستم مع نمرة واحد تسبب اهتزاز شديد وقوة ارتداد هائلة وعدم دقة الاهداف اما 2 فالنتيجة افضل بكثير والله اعلم .

انا معايا كرال ماجنوم الدبشك الاحمر
وكويسه معايا

قبل اي شئ كل عام وانت طيب يا جورج بمناسبة اعياد الميلاد المجيدة
اهلا بيك معانا اخ وصديق ومحب للهواية
بالنسبة للبندقية الكورال انا اتكلمت عنها اكثر من مرة في منتديات كثيرة جدا وهي بندقية بطبيعة الحال ليست علي مستوي البنادق العالية والشهيرة وبالنسبة الي سعرها مقبول جدا في ظل الاسعار الفلكية الموجودة في مصر وبما انها اول بندقية تدخل الاسواق المصرية بعد القيود علي الاستيراد من الخارج فهي حديث المدينة بل مصر كلها ....
وانا مازلت عند رائي وهو سؤال هامن جدا لية معظم من يشتريها بيعرضها للبع بعد فترة قليلة؟؟؟

مثال تحليلي يخضع لمعايير التاكيد او الرفض
علي سبيل المثال لو تم استيراد 500 بندقية وتم بيع 250 منها ومن خلال التجربة والاراء اكثر من 150 عارضين البندقية للبيع بعد الشراء في ((( مصرواي -- المنتديات -- الوسيط -- بين الاعضاء )))
يبقا اية السبب
الاحتمالات
1- انها مش مريحة الصياد
2- فيها عيوب ومش عاجباة
3- اكتشف انها مش مناسبة وفيها مشاكل (( تم ذكرها من قبل في موضوع عن الكورال ))
4- ان عايز يغير ويجيب الاحسن

التحليل
تم بيع اكثر من 50 % من البنادق وتم الشكوي من اكثر من 55% منها يبقا اكيد فيها عيب

وفي بنادق منها جميلة وشغالة مع الصياد بس الموضوع اتجاهات بيعية الصياد بيقول انها وحشة وفيها مشالك

والتاجر بيقول انها احسن من الماجنوم 350 كلا حسب رغباتة واهدافة

صح لسانك يا عمدتنا كلام فعلا لا يقال شئ بعدة
كلام حضرتك صح وانا كنت شفت حواراتك على البندقية دية بالتحديد وكل اللى حضرتك قلتة بيحصل فعلا وبنشوفة اليوم
رؤيا مستقبلية صائبة من شخص يمتلك الخبرة ليفيد من حولة بها

مساء الخير يا جماعه
على فكره انا البندقيه اللى كانت معايا هيه اللى دبشك بتاعه احمر اللى بتقولو عليه ماجنوم انا مش فاهم ازاى الناس بتقارنه ب 350 ماجنوم ده خصاره فيه الاسم عموما انا يا استذه انا حبيت انصح الناس وياريت الناس متديش بس البندقيه دى اكتر من حقه

سلاااااااااااام اتمنلكم اوقات سعيده

السلام عليكم
طبعا تحليل العمدة منطقى جدا ان البندقية بتتباع بعد فترة قصيرة
من الشراء حاجة تخوف فعلا ولكن زى ما الاخوة اجابو السعر حاليا
مناسب وخاصة للمبتدىء يا ريت خبراء المنتدى ينصحوا ببندقية بديلة اثبتت كفاءة وتكون فى حدود نفس السعر

واللة يا جماعةانا ليا راي خاص حول البندقية
دلوقتي حضرتك اشتكيت ان قوتها قلت جدا في غضون ايام ودة شئ يسبب صدمة للناس كلها
لكن انا قوتها قلت معايا في يوم واحد للنص والتاني كانت يا دوب بتتحشر في الخشب
لكن انا حسبتها بعقل لو السوستة مصنوعة من صفيح قوتها مش هتقل كدة فا اكيد في عيب تاني
وفعلا اكتشفت ان الجلدة الي حولين بيت الرشة بتسرب وطبعا حلها بسيط جدا وغير مكلف
وثانيا لو حسبنها حنلاقي البندقية دي 950 +500 سوستة وزناد اسباني تبقي 1450 جنية وبتضاهي الشادو 1000 الي سعرها دلوقتي لا يقل عن 2000 جنية طبعا ستظل التركي فرصة ممتازة لمن اراد الصيد ولم يرد المنظرة بالاسلحةولكم كل احترام وتقدير

حتى لو غيرت الجلبه ومجموعه الزنادمش ممكن هتتساوى والشادو 1000 اللى يجيب الكورال بيجبها على عيبها ويقوم بصيانتها صيانه دوريه وطبعا البنادق الغاليه مش مساله منظره الغالى ثمنه فيه من حيث الدقه والقوه التى تستمر الى مدى طويل جدا والصياد الحقيقى واللى بيفهم يعرف مثلا انى اللى بيصطاد بى اس ايه مش هيقدر يلمس الكورال ولكن انا مع الراى انها مرحله انتقاليه وبتأدى الغرض الى فتره يتسنى للشخص نفسه توفير بندقيه اخرى اعلى شويه وهكذا حتى يمتلك ما يريده فى النهايه وتقبل تحياتى

سيادةمستشار واستاذي جلال خليفة
اشكركم علي الاهتمام بتعليقي والرد وثانيا انا اسف لتاخيري جدا في الرد
اولا من كلام حضراتكم يتبين ان احنا اتفقنا انها من افضل البنادق للبداية في عالم الصيد
ولكن ليا سؤال بسيط بعد اعتباري غيرة السوستة والزنادوالجلدة (وهذا ما حدث معي في الزناد والجلدة فقد غيرتهما -ولم يكن هناك عيب في الزناد-)
واريد ان اصف لكم الحال معي واحتاج الي اجاباتكم
البندقية دقيقة وقوتها متوسطة ووزنها خفيف وشكلها جميل وبصتاذ بيها
السؤال الان هل انا محتاج اي شيئ زيادة لاكون صياد ؟
وثانيا في ردي البسيط علي النقاط الي حضرتك طرحتها
البندقية ليست صيني وطبعا الموقع الرسمي يثبت هذا الكلام
ثانيا هي لو صيني ودة تقدير حضرتك لماذا حضرتك بتهاجمها ولاتهاجم كل المنتجات الصيني الباقية معي ان حضرتك في مواضيع سابقة كنت بتؤيد الصيني
للصيادين كبدايةولم تهاجمها مع ان الصيني ليس افضل من التركي
ثالثا ان موضوع نزول سعرها دة معتاد جدا جدا في دولتنا الجميلة بسبب الاستغلال ونزول سعرها ليس بعيب وهذا يحدث في منتجات لها اصالتها وفي غير مجال البنادق (مثل موبايل نوكيا ينزل ب 4الاف وبعد 5شهور بعتوا ب الفين ونص)وهذا حدث معي شخصيا لكن هل هذا لعيب في الموبايل لا ولكن هذا سلوب تجارة معروف
واعتقد فعلا ان احنا يا نفعل شيئ من اثنين اما ان نبخس بالبندقية حقها واما ان نرفع بها السماء وفي الحالتان سنكون مخطئيين وظالمين
فا الوسطية اهم شيئ وربنا يبارك لحضرتك في بنادقك الجميلة انت وسيادة المستشار وارجوا ان لا اكون اطلت وصدقوني انا لا اتحدث معكم لمجرد الجدال
ولكن لاظهر حقيقة وفي النهاية ارجوا ان يوفقني اللة في شراء بندقية غيرها وافضل منها ولكن ساظل علي رايي انها من افضل البنادق بالنسبة لسعرها

مساء الخير طبعا بعد كلام الاستاز جلال لا يوجد كلام ولكن انا معنديش خبره نص اللى عند الاستاز جلال وجبت البندقيه انا لاحظط كزا حاجه تسىء للبندقيه تماما ازاى بندقيه بعد ارع ايام سوسته تتكسر ثانيا وحضرتك جرب الحكايه دى البندقيه لو انت عمرته من غير متحط رشايه وضربت تلاقى صوت برق تحس ان البندقيه قويه قوه غريبه واول متحط الرشايه اكن البندقيه مش محصله النوريكا ال 56 يا استاذى الفاضل انا كان معايا صينى وكانت تضرب التركى دى بالجزمه وكان معايا نوريكل 73 ينفع بندقيه بقاله 10 سنين شغاله قونه تعدى بندقيه بقاله 4 ايام شغاله يا استاذى متجادلش فى حاجه فعلا سيئه من زناد ل سوسته ل دراع التعمير بياكل فى جسم البندقيه ولسه مع الشغل هيبان ليه عيوب تانيه
عموما كل واحد حر فى نفسه وانا اسف انى طولت عليكو
سلام