اي استفسار بخصوص الصيد البحري و الغطس انا في انتظار استفسارتكم

السلام عليكم اعضاء المنتدي الكرام انا الحمد لله صياد سمك وانا في العاشرة من عمري جربت جميع طرق الصيد من
1_ صيد السنارة او البوصة العادية
2_ صيد بماكينات الصيد وجميع طرقها و فنونها .
3_ الصيد باللنس او الحداف
4_ صيد الجر او التجرية عن طريق القارب او عن طريق ماكينة الصيد
5_ مواسم صيد الاسماك
6_ الصيد بالغزل او الشبك للمحترفين
7_كيفية صيد طعوم الصيد (دود_جمبري نطاط_جمبري برغوت_جرايات_سمك صغير_دود وعر _ كوكري_ صرصار البحر_خضرا_عمل العجينه واي طعم صيد يخطر علي بالك )
8_ الصيد بالغطس عن طريق بندقية البحر ان كانت ضغط هواء او استك
يا جماعه اي استفسار انا بنتظار اسالتكم تحياتي للجميع ..........................

السلام عليكم ورحمه الله وبركاته
اولا انا حابب اشكرك للمبادره الجميله دى من حضرتك
وانك تعلم الناس او تجيب على الاستفسارات ده شىجميل من حضرتك
ثانيا انا كنت بصتاد بشبك عندنا فى القناه(قناه السويس البحيرات المره) بالشبك وكانت زى الفل
بس صراحه مش ممتعه خالص
ولكن الصيد بالبوصه دى حكايه تانيه
واليومين دول طالع صيد الجيجنج وحجات جامده كتيره
انا بقى استفسارى عن الصيد ده لانى حاسس انو مممتع اكتر ولا رائى حضرتك
ومعلش طلب صغير لو حضرتك عندك فكره عن الاسعار ياريت تقولى
ويسلام لو فى رحله تبقى اكثر من ممتاز وانا معاك
ومشكور ياصياد على موضوعك الجميل ده

شكرا يا صياد علي مساهماتك في مساعدة الاعضاء وان شاء الله لنا لقاء ورحلة قريبا

[quote="عاشق القنص"]السلام عليكم ورحمه الله وبركاته
اولا انا حابب اشكرك للمبادره الجميله دى من حضرتك
وانك تعلم الناس او تجيب على الاستفسارات ده شىجميل من حضرتك
ثانيا انا كنت بصتاد بشبك عندنا فى القناه(قناه السويس البحيرات المره) بالشبك وكانت زى الفل
بس صراحه مش ممتعه خالص
ولكن الصيد بالبوصه دى حكايه تانيه
واليومين دول طالع صيد الجيجنج وحجات جامده كتيره
انا بقى استفسارى عن الصيد ده لانى حاسس انو مممتع اكتر ولا رائى حضرتك
ومعلش طلب صغير لو حضرتك عندك فكره عن الاسعار ياريت تقولى
ويسلام لو فى رحله تبقى اكثر من ممتاز وانا معاك
ومشكور ياصياد على موضوعك الجميل ده[/quot

وعليكم السلام و رحمة الله و بركاتة
اولا انا اشكر حضرتك علي رايك في الموضوع
ثانيا لا يوجد وجه مقارنة بين صيد الغزل و الصيد بالسنارة لان الغزل مش هواية هو احتراف ولكن الهواية و المتعة كلها تكمن في صيد السنارة اما بالنسبة لصيد الجيجنج وهو عبارة عن رابلة او سمكة صناعية تقوم بربطها بشعر من 70 الي 90 يكون كويس ويتم تسقيطها حتي تصل الارض ورفعها فوق الارض مباشرة و يتم تحريكها مثل لعبة اليويو وانت ورزقك بختك يا ابو بخيت وطبعا ممكن تطلع سمكه كبيرة مثل الانش او الوقار او عضاض او دراك وطبعا الناس اللي في المركب جنبك حتلاقيهم بيسقطوا علي السمك الصغير زي الشعور او الحفار او الباغه طبعا عارفهم وبالنسبه ليك سلاح ذو حدين يا اما تطلع سمكه تمتعك يا اما تروح فاضي خالص انا من رايي ضربة بالمرزبه ولا عشرة بالشاكوش وطبعا التكلفه حسب سعر الفرد بالمركب والامكانيات الماكينة تكون كبيرة فيها شعر لا يقل عن 80 وبوصه قويه وتكون قصيرة عشان تتحمل وطبعا الرابله او السمكه الصناعيه وده سعرها من 20 جنية الي 60 جنية حسب صناعتها و حجمها ولو عايز تطلع معايا انا معنديش اي مانع انا اتشرف بحضرتك تنورني في اسكندرية يا رب اكون افدتك تقبل تحياتي ..................

galal khalifa كتب:شكرا يا صياد علي مساهماتك في مساعدة الاعضاء وان شاء الله لنا لقاء ورحلة قريبا

ربنا يكرمك يا عمدة الصيادين والله انا بتعلم من حضرتك وانا في انتظارك تنور اسكندرية وشرفني مرورك الغالي .......

محمد حافظ كتب:

الله ينور يا أستاذ هانى
شيخ صيادين بجد و شغل عالى بأمتياز

ربنا يكرمك يا استاذ محمد والله كفاية وجودكم معايا في المنتدي وانا بتعلم منكم وربنا يقدرني واقدر افيد الناس وشرفني مرورك الغالي يا غالي

ياريت لو فى رحلات قريبة تقولنا
وكنت عايز استفسر عن بنادة الهاربون ضغط الهواء
ايه احسن الانواع واسعارها
شكرااااااا على مبادرتك الطيبة

ايهاب ابو الوفا حمدى كتب:

momo44 كتب:ياريت لو فى رحلات قريبة تقولنا
وكنت عايز استفسر عن بنادة الهاربون ضغط الهواء
ايه احسن الانواع واسعارها
شكرااااااا على مبادرتك الطيبة

عزيزى النقيب محمود تحياتى وعزيز شكرى وتقديرى لك يابطل اما عن الرحلات فى البحر الاحمر فلك ان تحدد فقط الميعاد الخاص بك ونحن سوف نرشدك الى جميع الاماكن والمراكب فى البحر الاحمر وهذا ما سوف يتم مناقشته فى اجندة الاجتماع المرتقب والذى سوف يحدد الايام القادمة بتنظيم رحلات برية وبحرية عالية المستوى فقط لاعضاء منتدانا وهناك رحلة كانت مرتبة مع اصدقائى فى راس العش على المركب شاركى وهى من المراكب الجميلة والتى تشتهر بطاقم غاية فى الاخلاص والتعاون من ريس وبحرية وطباخ على اعلى مستوى وهناك فرشات لصيد التسقيط لاسماك مرعبةوصيد وفير جدا وكان مرتب لها يوم 11 -3 ولمدة 36 ساعة الا اننى اصبت فى ذراعى الايمن وقد لااتمكن من الذهاب معهم وان تحسن ذراعى سوف اخبرك للذهاب معنا تحياتى لك .

الف مليووووووووووووووووون سلامة عليك يا استاذ ايهاب
وانا مقدرش اطلع من غيرك
امال مين هيعلمنى اصول الصيد البحرى

السلام عليكم ورحمة الله وبركاته/
دي أول مشاركة ليا هنا في المنتدي وأتمني أكون حاطط استفساري في المكان المصرح فيه بالأستفسارات ... عندي استفسارين اذا سمحتولي
1- عاوز اشتري سنارة تنفع لصيد البحر ... تكون صناعة أوروبي للماكينة والبوصة ... وتكون جامدة وتستحمل وتكون شديدة ... يبقي نوعها ايه؟ وهتعمل فحدود كام؟ وبتتباع فين؟
ده اول استفسار وهو شكله عشر استفسارات فبعض

2- عاوز اطلع اصطاد فالبحر.
عاوز اعرف مواسم الصيد البحري ... ولو فيه رحلات صيد بيتم تنظيمها من قبل المنتدي تبقي حاجة رائعة ... بحيث يكتمل عدد معين من الأعضاء ونتفق علي وقت محدد ونظبط مركب قبلها ونتوكل علي الله ... وياتري مفيش حاجة طالعة علي أواخر شهر 10 كده؟
واشكركم جميعا.