300rيا جماعة دة اول موضوع ليا وانا لسة صياد جديد ولسة شارى بندقية جديدة من استاذ جلال بية خليفة باشا وهى ديانا وانا سمعت عنها انها مليانة عيوب وخزنتها بلاستيك وانها عار على الديانا وكل الكلام دة غلط والناس بتكتب كلام عنها وهى ماشفتهاش اصلا والمفروض اللى يكتب حاجة يكون متأكد منها. البندقية تحفة فنية انا اتعلمت نشان عليها بسرعة جدا ونشانها دقيق جدا ورشتها قوية جدا هى نمرة 2 وارتدادها للكتف بسيط اوى مش بيؤثر على دقة النشان وخزنتها 7 رشات. قبل ما اشتريها سألت عليها فى محلات القاهرة كلها وكلة قال لى مش هتلاقيها لحد ما يئست وفقدت الامل وفجأة جة على بالى اتصل بالعمدة وكانت اول مرة اتشرف بمعرفتو ولما كلمتو قال لى انها موجودة عندو وكانت اخر واحدة عندو لما سمعت كدة كان هيجيلى سكتة قلبية من الفرحة المفاجئة ويصراحة الراجل اصيل ادهانى بنفس سعر السوق مارضيش يستغل الموقف ويغللى. فعلا يستحق لقب عمدة وادانى بندقية فعلا تستحق لقب مدفع.انا جبتلكم شوية صور ليها مجمعهم من على النت. وشكرا ليكو على المنتدى دة.
ظلم بعض الصيادين للديانا 300r
charlie chaplin- عدد المساهمات : 3
نقاط : 5
السٌّمعَة : 0
تاريخ التسجيل : 06/05/2011
العمر : 41
الموقع : مصر الجديدة
- مساهمة رقم 1